331.8K
Downloads
1246
Episodes
Get timely insights on Vedic Astrology, Horoscope & important events from our AstroVed Astrology experts! One of the top astrology podcasts where you can listen to the monthly horoscopes, weekly horoscopes, mantras, and lot more
Episodes
Tuesday Dec 31, 2024
Tuesday Dec 31, 2024
எம்பெருமானை ஒருவர் பற்றி விட்டால் அவர் வேறு எதையும் செய்ய வேண்டாம். நாம் நம்முடைய முயற்சியால் எம்பெருமானை அடைவது கஷ்டம். சித்தமாக இருக்கும் உபாயம் எதுவெனில் அவனைப் பற்றுவது தான். அந்த உறுதி நம்மில் இருந்தால் நம் வேறு எதுவும் செய்ய வேண்டாம். அத்தகைய சிறப்பு மிக்க ஒரு கோபிகையை, கண்ணனை நேரே பற்றியவளை வாசல் திறக்கவிட்டாலும் பரவாயில்லை; ஒரு பதிலாவது தரக் கூடாதா என்று கேட்கும் படி இந்த பாடல் அமைந்துள்ளது. இந்த பாடலில் கூறப்பட்டுள்ள திவ்ய தேசம் திருக்காட்கரை (திருகாகரா) என்னும் கேரள திவ்ய தேசம். இந்தப் பாடலின் முழுப் பொருளையும் அனுபவிக்க இந்த வீடியோவை முழுவதும் காணுங்கள்.
Tuesday Dec 31, 2024
Tuesday Dec 31, 2024
பகவான் எந்த அளவுக்கு முக்கியமோ, அவனது அடியவர்களும் அந்த அளவுக்கு முக்கியமானவர்கள். இது வரை கோபிகையின் குணத்தை சொல்லி எழுப்பியவர்கள் இந்த பாடலில் மாமன் மகள் என்று உறவு முறை கூறி ஒரு கோபிகையை விளித்து எழுப்புகிறார்கள். மணிகளால் இழைக்கப்பட்ட மாடத்தில் சுற்றும் விளக்கெரிய, தூபம் கமழ இருக்கும் இடத்தில் உறங்குபவளை கதவைத் திற என்று கூறி எழுப்புகிறார்கள். பகவத் விஷயத்திற்கு பகவானை அனுபவிக்க உறுதுணையாக இருக்கும் உறவுகளை நாம் விடக் கூடாது என்பதை உணர்த்தும் உயர்ந்த அர்த்தம் பொதிந்த இந்தப் பாடலில் நாம் காணவிருக்கும் திவ்ய தேசம் திருக்கடிகை சோளிங்கர். இந்தப் பாடலின் முழுப் பொருளையும் அனுபவிக்க இந்த வீடியோவை முழுவதும் காணுங்கள்.
Tuesday Dec 31, 2024
Tuesday Dec 31, 2024
இந்த பாசுரத்தில் தூக்கத்தில் குதூகலித்திருக்கும் கோபிகையை எழுப்புகிறார்கள். பொழுது விடிந்ததற்கான அடையாளமாகக் கீழ் வானம் வெளுத்து விட்டது, எருமைகள் சிறுவீடு மேயப் புறப்பட்டு விட்டன தேவாதி தேவனைக் காண எல்லாரும் சென்று கொண்டு இருக்கிறார்கள். நாமும் புறப்புட்டு செல்ல வேண்டும். எனவே அங்கு போகின்றவர்களை நாம் நிற்கச் சொல்லி இருக்கிறோம். கண்ணனால் விரும்பப்படுபவள் நீ. நீ இன்றி அவன் முகத்தை நாம் காண இயலாது. எனவே எழுந்து வா கண்ணபிரானின் புகழைப் பாடி அவனிடத்தை அடைவோம் என்று பொருள் தரும் இந்த பாசுரத்தில் கூறப்பட்டிருக்கும் திவ்ய தேசம் காஞ்சிபுரம் வரதராஜ பெருமாள் ஆலயம். இந்தப் பாடலின் முழுப் பொருளையும் அனுபவிக்க இந்த வீடியோவை முழுவதும் காணுங்கள்.
Tuesday Dec 31, 2024
Tuesday Dec 31, 2024
இந்த பாசுரத்தில் பேய் பெண்ணே என்று விளித்து ஒரு பெண்ணை எழுப்புகின்ற னர் ஆண்டாள் மற்றும் அவள் குழுவினர். பறவைகள் கூட கண்ணன் பெயரைக் கூற வேண்டும் என்று ஆசைப்படுகிறது மற்றும் கலந்து பேசுகிறது எனும் போது நீ ஏன் இன்னும் எழுந்து கொள்ளாமல் இருக்கிறாய். மத்தினால் தயிர் கடையும் ஓசை உனக்கு கேட்கவில்லையா? கண்ணபிரானின் புகழைப் பாட நாங்கள் செல்லும் போது தலைவியான நீயும் வர வேண்டும் , எனவே கதவைத் திற என்று கோபிகையை எழுப்பும் இந்தப் பாடலில் கூறப்பட்டிருக்கும் திவ்ய தேசம் திருவாய்ப்பாடி(திரு ஆயர்பாடி) கீசு கீசு என்று ஆரம்பிக்கும் இந்தப் பாடலின் முழுப் பொருளையும் அனுபவிக்க இந்த வீடியோவை முழுவதும் காணுங்கள்.
Tuesday Dec 31, 2024
Tuesday Dec 31, 2024
திருப்பாவை பாசுரம் 6, "புள்ளும் சிலம்பினகான்," ஆண்டாளின் பக்தி உருகலையும், கண்ணனின் தெய்வீக வடிவத்தை துதிக்கும் தன்மையையும் பிரதிபலிக்கிறது.
இந்த பாசுரத்தில், ஆண்டாள் மற்ற பாவையரிடம் பகவான் கண்ணனை துதிக்க மாலை எழுந்து வருமாறு அழைக்கின்றார். "புள்ளும் சிலம்பினகான்" எனத் தொடங்கும் இந்த வரிகளில், இயற்கையின் ஒலி மற்றும் நிகழ்வுகள் அனைத்தும் பகவானின் வருகையைக் குறிக்கின்றன என்று அவர் குறிப்பிடுகிறார். பறவைகளின் கீதங்கள், கோலங்களின் கரவொலி ஆகியவை பக்தர்களின் விழிப்புணர்வை தூண்டுகின்றன.
பாசுரத்தில் ஆண்டாள், யசோதையின் மகன் கண்ணனின் குழந்தைத்தனமான பரவசமான வடிவத்தையும், அவன் தெய்வீக கிருபையையும் துதிக்கின்றார். பக்தர்கள் அனைவரும் தங்கள் மரபுகளை மீறி, இறைவனின் தரிசனத்தைப் பெற விரும்ப வேண்டும் என்று அவர் வலியுறுத்துகிறார்.
இந்த பாசுரம் பக்தர்களுக்கு தெய்வத்தின் அருளைப் பெற முக்கியமான முறையாக, தெய்வீக தியானத்தையும் இறைவனின் குணங்களை துதிப்பதையும் உணர்த்துகிறது. இது அனைவருக்கும் பகவானின் பாதத்தை அடையும் வழியைக் காட்டும் ஒளியாகும்.
ஆண்டாள் கூறும் ஒவ்வொரு வார்த்தையும் பக்தர்களின் உள்ளத்தில் தெய்வீக பாசத்தை தூண்டி, அவர்களை மனதின் அமைதிக்குக் கொண்டு செல்கிறது.
"புள்ளும் சிலம்பினகான்" பாசுரம், இயற்கை மற்றும் தெய்வீகத்தின் நெருங்கிய உறவை விளக்குகிறது. ஆண்டாள் இந்த பாசுரத்தின் மூலம் அனைத்து உயிர்களையும் பகவானின் திருவடி சேரும் உயர்ந்த ஆன்மிக பயணத்தில் இணைக்கின்றார்.
Tuesday Dec 31, 2024
Tuesday Dec 31, 2024
Tuesday Dec 31, 2024
Tuesday Dec 31, 2024
கோபிகா பாவனையில் இருக்கும் ஆண்டாள் திருப்பாவையின் மூன்றாம் பாசுரத்தில் நோன்பினால் ஏற்படும் பலன்களை தெரிவிக்கிறாள். மேலும் இந்த பாசுரத்தில் பகவானின் வாமன அவதாரப் புகழைப் பாடுகிறாள். எம்பெருமானைக் காட்டிலும் அவனது திருநாமம் பெருமை வாய்ந்தது. அதற்கு எடுத்துக்காட்டு கண்ணன் திரௌபதியை சபையில் ஆடை தந்து காத்த நிகழ்வு. அதனால் தான் ஆண்டாள் ஓங்கி உலகளந்த உத்தமன் பேர் பாடி என்கிறாள். இந்த பாசுரத்தின் பொருளை அதன் பெருமையை மதுசூதன சுவாமி அவர்கள் விளக்கி கூறுகிறார்கள். இந்த பாசுரத்தில் அனுபவிக்கப்படும் திவ்ய தேசம் திருகோவிலூர். இந்த பாசுரத்தின் முழுப் பொருள் அறிய இந்த வீடியோவை தொடர்ந்து காணுங்கள்.
Tuesday Dec 31, 2024
Tuesday Dec 31, 2024
இந்த இரண்டாவது பாசுரத்தில் நோன்பை தொடங்கியிருக்கும் நாம் செய்ய வேண்டியவை யாவை தவிர்க்க வேண்டியவை யாவை என்று ஆண்டாள் கூறுகிறாள். எம்பெருமானின் திருவடிகளுக்கு கைங்கர்யம் செய்வதும் அவரை அடைவதுமே வாழ்க்கை ஆகும். எனவே தான் யாரெல்லாம் நோன்பு நோற்கிறார்களே அவர்களை நோக்கி கோதை, வையத்து வாழ்வீர்காள் என்று விளிக்கிறாள். மார்கழி மாதம் முழுவதும் நெய், பால் முதலான போக வஸ்துகளை உண்ணக்கூடாது. மலர், மை முதலான திரவியங்களை இட்டு நம்மை அலங்கரித்துக் கொள்ளக் கூடாது. பெரியோர்கள் செய்யாத செயல்களை செய்யக் கூடாது. தான தருமங்களை அதிகம் செய்ய வேண்டும். இந்த பாசுரத்தில் குறிக்கப்படும் திவ்ய தேசம் திருப் பாற்கடல். இந்தப் பாடலின் முழுப் பொருளையும் உணர்ந்து அனுபவிக்க வீடியோவை தொடர்ந்து காணுங்கள்.
Tuesday Dec 31, 2024
Tuesday Dec 31, 2024
திருப்பாவையில் திவ்ய தேசங்கள்
பாதகங்கள் தீர்க்கும், பரமனடி காட்டும். வேதம் அனைத்துக்கும் வித்தாகும் கோதை தமிழ் அறியாத மானிடரை வையம் சுமப்பதும் வம்பு. பெரியாழ்வார் ஆழ்வார்களுள் மிகவும் சிறப்பு வாயந்தவர். அவர் வடபத்ரசாயி பெருமானுக்கு புஷ்ப காரியம் செய்து வந்தார். அவ்வாறு செய்கையில் திருத்துழாய் செடி அருகில் அவருக்கு கிடைத்த குழந்தைக்கு கோதை என்று பெயர் சூட்டி வளர்த்து வந்தார். கிருஷ்ண பக்தி ஊட்டி வளரக்கப்பட்ட கோதை, கண்ணனை அடைய ஆசைப்பட்டாள் என்பது நாம் அறிந்த விஷயம். அவள் எவ்வாறு கோபிகையாக மாறி திருப்பாவை நோன்பை நோற்றாள் என்பதையும் திருப்பாவையுடன் சூசகமாக தொடர்புடைய திவ்ய தேசங்களின் பெருமையும் மதுசூதனன் சுவாமிஅவர்கள் நாம் அனுபவிக்க வழங்குகிறார். அனுபவித்து மகிழ முப்பது நாளும் தொடர்ந்து எங்களுடன் இணைந்திருங்கள்.
பாசுரம் 1
கண்ணனையே தன்னுடைய மணாளனாக அடைய வேண்டும் என்று ஆசை கொண்டு பாவை நோன்பை நோற்கத் தொடங்கினாள் பெரியாழ்வாரின் பெண்பிள்ளை கோதை. நோன்புக்கு வாய்த்த காலத்தை தனது முதல் பாடலில் அவள் எவ்வாறு கொண்டாடுகிறாள். வெயிலும் அதிகம் இல்லாத குளிரும் அதிகம் இல்லாத மாதத்தின் பெருமை, நாளின் பெருமை மற்றும் பகவானின் கல்யாண குணங்கள் வெளிப்படும் இந்த பாடலின் ஆழ்ந்த அர்த்தத்தை ஒவ்வொரு வார்த்தையின் பொருளையும் மதுசூதன சுவாமி அவர்கள் கூறுகிறார். இந்த பாசுரத்தில் நாராயணனே பறை தருவான் என்ற சொல்லின் படி இதில் கூறப்படும் திவ்ய தேசம் திருப்பரமபதம் ஆகும். பாடலையும் அதன் முழுப் பொருளையும் உணர்ந்து அனுபவிக்க வீடியோவை தொடர்ந்து காணுங்கள்.