AstroVed’s Astrology Podcast

2025 ஆங்கிலப் புத்தாண்டு பலன்கள் மிதுன ராசி

மிதுன ராசிக்காரர்கள் இந்த ஆண்டு- 2025 ஆம் ஆண்டு நிதி நிலையில் உயர்வைக் காண்பார்கள். உங்கள் செல்வ நிலை மேம்படும் போது, ​​உங்கள் சமூக நிலையிலும் சாதகமான மாற்றங்களைக் காணலாம். உங்கள் வீட்டில்  கட்டுமானப் பணிகள் மற்றும் புதிய மின்னணு சாதனங்களை வாங்குவதற்கு குறிப்பிடத்தக்க செலவுகளை நீங்கள் சந்திக்க நேரிடும். காதல் உறவுகளில் சிறு சிறு இடையூறுகள் ஏற்படக்கூடும். தம்பதிகள் வெளிப்படையாகப் பேசி கருத்து வேறுபாடுகளைத் தீர்ப்பது நல்லது. திருமண தாமதங்களை அனுபவிப்பவர்கள், இந்த ஆண்டு தடைகள் நீங்கப் பெறுவார்கள். கணவன் மனைவிக்கு இடையே இனிய  தாம்பத்தியம் தொடர வாய்ப்புகள் கிடைக்கும். கூட்டுத் தொழிலில் அதிக லாபத்தை எதிர்பார்க்கலாம். இருப்பினும், சுயமாக தொழில் செய்பவர்கள் கணக்குகளை கையாள்வதில் சற்று கவனம் தேவை உங்கள் பணியிடத்தில் நல்லவர்களின் நட்பை நீங்கள் பெறலாம், இது வேலையின் நுணுக்கங்களைக் நீங்கள் கற்றுக்கொள்ள உதவும். இந்த ஆண்டு, திருமணம் மற்றும் குழந்தைப் பிறப்பு போன்ற பல சுப நிகழ்ச்சிகளில் பங்கேற்க உங்களுக்கு வாய்ப்புகள் கிடைக்கும். வெளிமாநில  ஆன்மீக பயணம் மன அமைதியை தரும்.

திருப்பாவை பாசுரம் 13 - Thiruppavai pasuram 13 in Tamil

சூடிக் கொடுத்த நாச்சியார் ஆறாவது  பாசுரத்தில் இருந்து எம்பெருமானை அடையும் போது  அடியவர்களை முன்னிட்டே அடைய வேண்டும் என்ற கருத்திற்கிணங்க அனைவரையும் எழுப்பி வந்து கொண்டிருக்கிறாள். இந்த பாசுரத்தின் படி ராமனுடைய புகழை பாடுபவர்கள் தனியாகவும் கண்ணனின் புகழை பாடுபவர்கள் தனியாகவும் இரு கோஷ்டியாக செல்கிறார்கள். கொக்கு வடிவில் வந்த பகாசுரனை கண்ணன் கொல்கிறான் என்று அவன் பெருமையை ஒரு சாரார் பாட  பொல்லாத அரக்கரை கொன்றவன் ராமன் என மற்றொரு சாரார் பாடிக் கொண்டு பாவைக்  களம் செல்கிறார்கள். கண்ணழகு மிக்க கோபிகையை எழுப்பி கூட வருமாறு அழைக்கிறார்கள். இந்த பாசுரத்தில் கூறப்பட்டிருக்கும் திவ்ய தேசம் திருக்குடந்தை. எம்பெருமான் சரித்திர பெருமை பாடும் இந்த பாசுரத்தின் பொருளை அனுபவிக்க இந்த வீடியோவை தொடர்ந்து காணுங்கள்.   

திருப்பாவை பாசுரம் 16 - Thiruppavai pasuram 16 in Tamil

வேதம் வல்லார்களைக் கொண்டு தான் எம்பெருமானைப் பற்ற வேண்டும் என்றும் அதனை முன்னிட்டு கண்ணனை காணச் செல்ல  இது வரை கோபிகைகளை எழுப்பி வந்ததை நாம் அறிந்தோம். கோவிலுக்கு சென்றால்  நித்ய சூரிகள் எல்லோரையும் சேவித்து விட்டு பிராட்டியை முன்னிட்டு எம்பெருமானை பற்ற வேண்டும் என்னும் விஷயமெல்லாம் நமக்கு திருப்பாவையின் இந்த பாசுரம்  மூலம்  தெரிய வருகிறது.கண்ணபிரானின் திருமாளிகையை காவல் காத்துக் கொண்டிருக்கும் க்ஷேத்திரபாலகர்களிடம் அதாவது  கோவில் காப்பான் வாயில் காப்பான்களிடம் அனுமதி பெற்று உள்ளே செல்வதை பற்றி இந்த பாசுரத்தில் அனுபவிக்கலாம். இந்த பாசுரத்தில் கூறப்பட்டிருக்கும் திவ்ய தேசம் திருக்குறுங்குடி வடிவழகிய நம்பி  ஆகும். இந்த பாசுரத்தின் பொருளை அனுபவிக்க தொடர்ந்து இந்த வீடியோவைக் காணுங்கள்.

திருப்பாவை பாசுரம் 15 - Thiruppavai pasuram 15 in Tamil

வேதம் அனைத்திற்கும்  வித்தாகும் கோதை தமிழ் என்ற பெருமை பெற்ற  திருப்பாவையின் இந்த பாசுரத்தில் பத்தாவது கோபிகையை எழுப்புகிறார்கள். இதன் சிறப்பு என்னவெனில் இது வரை பார்த்த பாசுரங்களில் வெளியில் இருந்தவர்கள் தான் பேசினார்கள். இந்த பாசுரம் உரையாடலாக அமைந்துள்ளது. இது நடுநாயகமான பாசுரம். இதில் வரும் அர்த்தம் தான் திருப்பாவையின் சாரம் ஆகும். இது முக்கியமான பாசுரம் ஆகும். இதில் வரும் “நானே தான் ஆயிடுக” என்ற ஒரு வரியை தெரிவிக்கத் தான் திருப்பாவையே இயற்றப்பட்டது. இல்லாத குற்றத்தை ஏறிட்டாலும் அதனை ஒத்துக் கொள்வதே நல்ல லட்சணம் என்று இந்த பாசுரத்தில் காட்டி இருக்கிறார்கள்.இந்த பாசுரத்தில் கூறப்படும் திவ்ய தேசம் திருவல்லிக்கேணி பார்த்தசாரதி திருத்தலம் ஆகும். இந்த பாசுரத்தின் பொருளை தொடர்ந்து அனுபவிக்க இந்த வீடியோவை தொடர்ந்து காணுங்கள்.

திருப்பாவை பாசுரம் 14 - Thiruppavai pasuram 14 in Tamil

ஆறாம் பாசுரத்தில் இருந்து பதினைந்தாம் பாசுரம் வரை உறங்கிக் கொண்டிருக்கும் கோபிகைகளை எழுப்புகிறார்கள். இவளின் வார்த்தையை கண்ணன் மீற மாட்டான்  இந்த பாசுரத்தில்  இயற்கை காட்சியை வைத்து  பொழுது விடிந்ததற்கான அடையாளம் கடைசியாக கூறப்படுகிறது. குவியும் ஆம்பலும், மலரும் செங்கழுநீரும் அழகாக வர்ணிக்கப்படுகிறது. மேலும் பொழுது விடிவதற்கான மற்ற அடையாளங்களும் அருமையாக வர்ணிக்கப்பட்டுள்ளது. இந்த பாசுரத்தில் எழுப்பப்படும் பெண் நாவன்மை உடையவள். இந்த பாசுரத்தில் கூறப்படும் திவ்ய தேசம் மாயவரத்திற்கு அருகில் இருக்கும். தேரெழுந்தூர் ஆகும். இந்த பாசுரத்தின் பொருளை தொடர்ந்து அனுபவிக்க இந்த வீடியோவை தொடர்ந்து காணுங்கள்.    

திருப்பாவை பாசுரம் 12 - Thiruppavai pasuram 12 in Tamil

ஸ்ரீ வில்லிப்புத்தூரில் பெரியாழ்வாருக்கு திருக்குமரியாய் அவதரித்த ஆண்டாள் தன்னை கோபிகையாக அவதாரித்து கண்ணனை குறித்து  நோன்பு நோற்கிறாள். அவள் ஸ்ரீ வில்லிப்புத்தூரையே திரு ஆய் பாடியாகக் கருதுகிறாள். இந்த பாசுரத்தில் கண்ணனுடைய நண்பனாக இருக்கும் இடையன் ஒருவன்  இறை கைங்கரியம் செய்யும் பொருட்டு சென்றதால் எருமைகள்  தங்களது கன்றினை நினைத்து  தாங்களே பால் சுரந்து இல்லத்தை பால் சேறாக மாற்றுகிறது. அத்தகு பெருமை மிக்கவனின்  தங்கையை இவர்கள் எழுப்புகிறார்கள். தலையில் பனி விழ, உந்தன் தலை வாசலில் நாங்கள் வந்து நிற்கிறோம். மனதிற்கு இனியவனை நாங்கள் பாடவும் நீ எழவில்லையே. எழுந்திராய் என்று எழுப்புகிறார்கள். இந்தப் பாடலில் கூறப்பட்டிருக்கும் திவ்ய தேசம் தில்லை திருசித்திரக் கூடம் (கோவிந்த ராஜப் பெருமாள்).  இந்த பாசுரத்தின் பொருளை முழுமையாக அனுபவிக்க இந்த வீடியோவை தொடர்ந்து காணுங்கள்.

திருப்பாவை பாசுரம் 11 - Thiruppavai pasuram 11 in Tamil

திருப்பாவை பாசுரம் 11, "காற்று கரவைகனங்கள்," ஆண்டாளின் பக்தி உணர்வையும் ஆன்மிக விழிப்புணர்வையும் வெளிப்படுத்துகிறது. இந்த பாசுரத்தில், ஆண்டாள் பக்தர்களை சித்திரை மாத காலை எழுந்து, திருப்பள்ளியெழுச்சி செய்ய அழைக்கின்றார்.

பாசுரத்தின் முக்கிய அம்சம், இறைவனின் அழகையும் அவனது கிருபையையும் துதிக்கிறது. "காற்று கரவைகனங்கள்" என்கிற வார்த்தைகள் இயற்கையின் அழகையும் பக்தியின் ஒழுங்கையும் பிரதிபலிக்கின்றன. இதன் மூலம், ஆண்டாள் அனைவரும் இறைவனை அடைய ஒரே மனதுடன் ஈடுபட வேண்டும் என்று அழைக்கின்றார்.

இந்த பாசுரத்தில், பக்தர்கள் தங்களது கர்மங்களை விட்டுவிட்டு பகவானின் பாதம் சேர்ந்தால், அவர்கள் ஆனந்தத்தை அடைவார்கள் என்று கூறப்படுகிறது. மேலும், பாசுரம் தெய்வீக சங்கமத்தின் அவசியத்தையும் பக்தர்களின் மனம் ஒரு சொர்க்கமாக மாறும் முக்கியத்துவத்தையும் உணர்த்துகிறது.

திருப்பாவையின் இப்பாசுரம் வழியாக ஆண்டாள், எல்லா மனிதர்களும் ஒரே சமயத்தில் இறைவனை நினைத்து, மன அமைதியையும் ஆன்மிக வளர்ச்சியையும் பெற வேண்டும் என்பதைக் குறிப்பிடுகிறார். இது, தெய்வத்தின் அருளை பெறவும், பக்தியின் முழுமையை அடையவும் ஒரு அழகிய வழிகாட்டியாக உள்ளது.

இந்த பாசுரம், ஒவ்வொருவருக்கும் பக்தியில் திளைக்கவும், தெய்வீக அருளைப் பெறவும் வழிவகுக்கும் ஒரு ஆன்மிக ஒளியாக விளங்குகிறது.

திருப்பாவை பாசுரம் 10 - Thiruppavai pasuram 10 in Tamil

எம்பெருமானை ஒருவர் பற்றி விட்டால் அவர் வேறு எதையும் செய்ய வேண்டாம். நாம் நம்முடைய முயற்சியால் எம்பெருமானை அடைவது கஷ்டம். சித்தமாக இருக்கும் உபாயம் எதுவெனில் அவனைப் பற்றுவது தான். அந்த உறுதி நம்மில் இருந்தால் நம் வேறு எதுவும் செய்ய வேண்டாம். அத்தகைய சிறப்பு மிக்க ஒரு கோபிகையை, கண்ணனை நேரே பற்றியவளை வாசல் திறக்கவிட்டாலும் பரவாயில்லை;  ஒரு பதிலாவது தரக் கூடாதா என்று கேட்கும் படி இந்த பாடல் அமைந்துள்ளது. இந்த பாடலில் கூறப்பட்டுள்ள திவ்ய தேசம் திருக்காட்கரை (திருகாகரா) என்னும் கேரள திவ்ய தேசம். இந்தப் பாடலின் முழுப் பொருளையும் அனுபவிக்க இந்த வீடியோவை முழுவதும் காணுங்கள்.

திருப்பாவை பாசுரம் 9- Thiruppavai pasuram 9 in Tamil

பகவான் எந்த அளவுக்கு முக்கியமோ, அவனது அடியவர்களும் அந்த அளவுக்கு முக்கியமானவர்கள். இது வரை கோபிகையின் குணத்தை சொல்லி எழுப்பியவர்கள் இந்த பாடலில் மாமன் மகள் என்று உறவு முறை கூறி ஒரு கோபிகையை விளித்து எழுப்புகிறார்கள். மணிகளால் இழைக்கப்பட்ட மாடத்தில் சுற்றும் விளக்கெரிய, தூபம் கமழ இருக்கும் இடத்தில் உறங்குபவளை கதவைத் திற என்று கூறி எழுப்புகிறார்கள். பகவத் விஷயத்திற்கு பகவானை அனுபவிக்க உறுதுணையாக  இருக்கும் உறவுகளை நாம் விடக் கூடாது என்பதை உணர்த்தும் உயர்ந்த அர்த்தம் பொதிந்த இந்தப் பாடலில் நாம் காணவிருக்கும் திவ்ய தேசம் திருக்கடிகை சோளிங்கர். இந்தப் பாடலின் முழுப் பொருளையும் அனுபவிக்க இந்த வீடியோவை முழுவதும் காணுங்கள்.

திருப்பாவை பாசுரம் 8 - Thiruppavai pasuram 8 in Tamil

இந்த பாசுரத்தில் தூக்கத்தில் குதூகலித்திருக்கும் கோபிகையை எழுப்புகிறார்கள். பொழுது விடிந்ததற்கான அடையாளமாகக் கீழ் வானம் வெளுத்து விட்டது,  எருமைகள் சிறுவீடு மேயப் புறப்பட்டு விட்டன தேவாதி தேவனைக் காண எல்லாரும் சென்று கொண்டு இருக்கிறார்கள். நாமும் புறப்புட்டு செல்ல வேண்டும். எனவே அங்கு போகின்றவர்களை நாம் நிற்கச் சொல்லி இருக்கிறோம். கண்ணனால் விரும்பப்படுபவள் நீ. நீ இன்றி  அவன் முகத்தை நாம் காண இயலாது. எனவே எழுந்து வா கண்ணபிரானின் புகழைப் பாடி அவனிடத்தை அடைவோம்  என்று பொருள் தரும் இந்த பாசுரத்தில் கூறப்பட்டிருக்கும்  திவ்ய தேசம்  காஞ்சிபுரம் வரதராஜ பெருமாள் ஆலயம். இந்தப் பாடலின் முழுப் பொருளையும் அனுபவிக்க இந்த வீடியோவை முழுவதும் காணுங்கள்.